Filuccio, muratore e dette
Filuccio - Bongiornu cummà!
Insieme - Bongiornu Filù
Ngiulina - Andò fatii stammatina?
Filuccio - Tunimu lu candieru a lu pontu a cing'archi. Stamu facennu na casa nova. Oi amma fà la tonuca ( guarda il cielo ) E' proprii la iurnata bbona.
guastata volu scuria e malu tiempu.
Filuccio - ( serio ) Comma Cuncé, la vita ngi procura guai a tommula. Pirciò lu iuornu bbuonu, comu venu, ngi l'amma piglià! ( guarda l'orologio ) Mamma mia com'é tardu! E quiru ribusciatu rormu! ( alle donne ) Sarvatoru, lu riscipulu miu! ( alza gli occhi verso una finestra ) Sarvatò! Oi Sarvatò! ( nessuna risposta ) ( alle donne ) Crisci puorci! Sti figli ri mò nun tienunu capu ri fà niendi! ( verso la finestra ) Sarvatò! L'anuma ri mammata! Tu ruormi e la sciorta veglia!
Salvatoru - ( da dentro ) Vengu subbutu zi Mà! Fazzu com'a nu lampu!
Fìluccio - ( di rimando ) E scuoppi com'a nu truonu! Viri si si potu fà sta vita! Cummà ì vi lassu. Facitivi truvà quà, quannu tornu. ( esce )
Insieme - Quà ngi truovi Filù. Lu vicu e la casa nosta!
Ngiulina - ( con lo sguardo verso l'uscita ) Che fatiatoru Filucciu!
Cuncetta - Che ni parli a ffà Ngiuliné! Che pasta r'ommunu! Ind'a la casa faci tuttu isso!
Ngiulina - ( con astio ) E la miglieru si gratta la panza! A quest'orarrormu angora.
Cuncetta - ( rincarando la dose ) Nun à fattu mai niendi quera nghiasuma! "Sciacqua Rosa e bbivi Gnesa" quessa e la vita sua!
Ngiulina - ( stesso tono ) Si n'à vistu bbenu ri tuttu e ha pigliatu puru stu ternu: nu maritu r'oru com'a Filucciu. Si potu essu cchiù furtunati. Inveci a nnui... Ma cummà lassamu stà sti cunti. Quisti sò cunti muorti. ( cambia tono ) Tu mi stivi rucennu quiru fattu. Ti vulivi luvà quiru matonu ra coppa lu stommacu.
Cuncetta - ( ridiventata triste ) Ngiulinella mia ogni bbota chi ngi penzu mi sendu vunì menu.
Ngiulina - Fatti curaggiu cummà. Parla, i ti stongu a sendu.
Cuncetta - ( attimo di suspence ) ( un grido ) Mi l'ann'accisu!
