Carmela - ( entra affannata ) Gesù, Giuseppe, Sand'Anna e Maria! Lu muortu andò é! Andò sta lu sangu?
Ngiulina - ( stizzita ) Lu sangu, lu muortu! Carmé che stai rucennu! Ngi fai perdu sulu tiembu! ( a Cuncetta ) Cummà chi ann'accisu?
Cuncetta - ( quasi piangendo ) Taniellu!
Insieme - Taniellu!
Cuncetta - ( idem c.s. ) Taniellu, Taniellu, lu canu miu! L'annu ndussucatu!
Ngiulina - ( delusa ) Ih! Tuttu quessu era! Nun sapeva che era succiessu!
Cuncetta - ( scatta ) Comu! Tuttu quessu era? Ma ru capisci! Ann'accisu Taniellu!
Ngiulina - ( vuole giustificarsi ) Aggi capitu comma Cuncé! Ma ì punzava a nu guaiu cchiù gruossu, ra comu t'aggi vista.
Cuncetta - ( c.s. ) E cchiù gruossu ri quistu lu ivi truvannu? Taniellu era megli ri nu cristianu. Ti guardava ind'a l'uocchi e ti capeva. La casa mia é vacanda ra quannu nun g'é cchiù!
Carmela - ( al pubblico ) A li figli nu ru penza proprii. E' muortu Taniellu é finitu lu munnu!
Cuncetta - ( con sguardo spiritato ) Quiru era com'a nu figliu. Ti guardava cu dui uocchi ca ti parlavanu, lucevanu, erano ddui lampiuni!
Carmela - ( ironica al pubblico ) La sera ind'a stu vicu lu comunu sparagnava la luci! Ng'er a Taniellu!
