Bonasera a tutti! Comu si rici a Nuscu: "E' Carnuluvaru e ogni scherzu valu ". Roppu tantu tiempu si songu ricurdati ri me, ri mi fa sta cirimonia nuziale. Vui a me aviti punzatu; i' ri vui mi songu ricurdatu, e i' non mi tengu nienti ma vi lassu a testamentu tutta la robba ri ru benu miu.

A tu sinnucu Agustinu Maiuranu 

li lassu nu iuvu e nu iralu. 

Rongu a Tonino ri la benzina 

na zerta r'agli e na fusina.

Aggi punsatu puru a Michelu Pastoru, 

li lassu la machina ra purtà foru. 

Rongu a li fratelli ri la Misericordia,

mo ca mi ricordu, na chitarra ca nunn'accorda. 

Lassu a Tonino ri Marinetta

na chiavu e na trombetta. 

A Ndoniu ri lu vurpuciellu 

lassu tu puorcu e tu tuniellu. 

A Carmelu Iuliano, quistu è natu, 

rongu lu broru cu tutto tu tianu. 

Lassu a Marilena ri puppucciu 

nu fucilo carucu e doi cartucciu. 

A Francu Natalu tu vunnutoru

li lassu na vacca e nu toro.

A Salvatoru Pepu lu giornalaru 

rongultu pussaturu e lu purtalu. 

A Rafaelu ri rafuliellu

lassu la tunaglia e lu martiellu. 

Cavaltu e trainu ri vasci a tu punnilu

 i' tu lasso a Angiulu Napulillu.

A Michelu Lumbardi, lu giornalista 

ca cu leggi ha persu la vista,

i' li lassu lu caro mio autista.

A Marisa, ri Pastoru la mugliera, 

lassu nu fucilo e na fuchera. 

Rongu a lu mierucu Faia nu paru 

ri guandi cu si riguardà ru manu;

a lu mierucu Sichinolfi e migliera 

na skuppètta corta e na saittera;

a lu mierucu nuovu ri cognomu Mutu 

ru quatto tomula ri terra, roppu mututu. 

A li Pensionati ca nu' m'hannu punsatu 

i' nienti l'aggi lassatu.

Rongu a Michelu Masullu 

nu pinniellu e nu rullo;

a lu consorzio Capisci 

nu panaru chiinu ri pisci. 

A òu vurpignu Brunu ri vungulicchiu

li lassu la seta e lu chiurnicchiu.

A Carminucciu Marinu e Raffellina 

li lassu na voccula e la gallina.

A l'ingignieri puru aggi punsatu: 

a Recupero e a Della Vecchia 

lassu la furnaci cu la secchia.

Chi vennu lu sigaretto m'aggi scurdatu 

ma Peppu futussu m'ha chiamatu

e i' sta risposta faggi ratu:

lu vizio ri fumà m'aggi luvatu! 

Cu finì abballati la tarantella, 

ca cummè è tantu bella;

e cu lu mangià e bevu ri sta festa 

sulu stu sfizio a nui ci resta.

Vi lassu cuntenti tutta la compagnia; 

l'annu chi venu turnamu in alligria.

Nusco, 1° Marzo 1998

                                                                                                           Antonio Della Vecchia detto Vurpuciellu