Santa Maria Vetere

 

 

 

Quannu mi scieti cu ‘sta campanella

‘int’a l’anuma sentu stu richiamu,

ti tengu int’a lu coru, oj Chiesarella,

‘sta voci tua gintila aspettu e amu.

 

Mo cchiù ri miezu seculu è ppassatu:

tunèa dieci anni allora, era guaglionu,

‘nnanta l’Artaru tuu addunucchiatu,

mi facietti la Prima Cummunionu.

 

Mamma mia mi tunèa a manu a manu,

cu essa i’ mi ruceva ru pprighieru;

Chiesarella, stu tiempu è assai luntanu

Ma è vicinu a stu coru e a stu punzieru.

 

Ancora mo i’ sentu lu saporu

e lu prufumu ri quer’Ostia Santa,

vecu la Luci ri Nostru Signoru

che ancora mo quest’anuma mi ‘ncanta.

 

Oj Santa Maria Vetere mia bella,

pu’ mme si’ sempu nu ricordu roci;

chiamami ancora cu ‘sta campanella,

la vogli sentu sempu questa voci.

 

                                                     Agostino Astrominica