Ndunetta. popolana e detti
Ndunetta - ( mani ai fianchi e tono battagliero ) Chi é ca volu mbennu, volu acciri, volu affucà. Chi é?
Cuncetta - ( al pubblico ) La vi llò, la vì! E' arruvata la beccamorta!
Matuccio - ( più deciso ma non troppo ) Cuncé, firniscila mò. Trasi indu e viri che à fà! E' ruvutatu lu vicu!
Cuncetta - ( più alterata ) Lu vicu! Aggia mettu ngoppa e sotta tuttu Nuscu. Aggia fà succeru lu quarandottu!
Ndunetta - ( ironica ) Quarandottu! Si ngi mitti rui sordi, accuocchi mezza lira Cuncittì!
Cuncetta - ( fa finta di non aver sentito ) Cummà ì vavu, quà mi manca l'aria, mi sentu vunì menu.
Ndunetta - ( c.s. ) Ronna Cuncittì, cu respirà ì tengu nu rumeriu buonuassai assai!
Cuncetta - ( urlando ) La sunditi! L'aviti sunduta tutti quanda! Tenu lu rumeriu, aviti capitu? ( a Ndunetta ) Stongu bbona, stongu proprii bbona! Nun aggi busuognu ri niendi! I' nun songu Taniellu!
Matucciu - ( arrabbiato ) Cuncè, mò basta! Stai rannu li nummari!
Cuncetta - ( spiritata ) Quacche ghiurnu ru ddavu a la veru ru nummari e fazzu parlà Nuscu!
Ngiulina - ( al pubblico ) Comu si mò parla picca! Ma pucché quisti che sò, nun so nummari!
Carmela - ( al pubblico ) I' veramendu vulessu na bella quindina cu apparà tutti li fuossi ri tata bonanuma e campà ri rennuta!
Ndunetta - ( tono calmo e conciliante ) Cuncittì ì nun ti capiscu. Parli, allucchi, rici cosu stranu. Ma tu che bbù ra me? E' munduvatu puruTaniellu. Si po sapé che ngentra Taniellu!
Cuncetta - ( c.s. ) Ngentra, ngentra eccomu si ngentra! E tu ni sai quacchecosa! ( alle donne ) Cummà ì vavu si no ricu quacche spropositu! ( esce )
Matucciu - ( al pubblico ) N'à dittu picca fina mò! Ngi mangava sulu ca currevanu li carbinieri! E nun é firnita la festa. Cu mme mò accummingia! ( rivolto alle donne ) Lassatila sta Cummà! La capu pocu l'aiuta. ( esce )
Ndunetta - ( alle donne ) Povuru Matucciu che guaionu à passatu! Ma quessa nu raggiona proprii cchiù! S'e allascata bbona. Mara mé che buleva?
Ngiulina - ( si avvicina, guarda verso l'uscita ) Statti citta zia Nduné! Ogni ghiurnu chi passa é sembu peggiu. Si mbundilla unu e li faci fà cosu ca nun songu veru!
Carmela - ( si avvicina anche lei ) Fiurati ca mò s'é fissata ca tu l'é accisu lu canu!
Ndunetta - ( capisce ) Taniellu! Pu quessu alluccava! Uh mamma mia! Avessa fà quacche mossa, s'avessa movu ri manu, piglia na mazza, nu curtiellu e m'acciri proprii.
Carmela - Fin'a mò è stata sembu cuieta! Crai pò chi ru sà la capu che li rici!
Ndunetta - Chi ngi r'aveva rici ca faceva sta fina. Rinnu bbuonu l'antichi: "Lu gabbu cogli, la iastema nò". Quessa s'era fattu gabbu ri Carmela la piattara e l'é succiessu la stessa cosa.
Ngiulina - E di Rusinella Mittizellu! Mamma mia quanda ni rissu: "Li sta bbenu a quera ittata" "accussì si 'mpara" "Che si crureva, la jsignora ri ru patanu!"
Carmela - ( di rimando ) E t'arricuordi Michilina ri Baiocca? Si ni ivu ra Nuscu cu lu scuornu. Ma lu Signoru si ni pagha!
Ndunetta - A zzia, menu malu ca nui ngi facimu li fatti nuosti! Aviti ivistu che succeru a chi si 'ndrica?
Carmela - Zia Nduné, nui tunimu li figli. Comu ti puoi azzuppà ru ppanu nguollu a l'ati?
Ngiulina - ( stringendosi nelle spalle ) Nui mica iurucamu. Nui parlamu sulu cu dittu ri la ggendu.
