Lu panurama

Guarda che spaziu...vi 'che "maru verdu"...

'na vallata cchiù bella nun 'ngi sta;

vola lu sguardu attuornu e pò si perdu

com'a nu suonnu int'a st'immenzità.

Quanta culuri pu questu campagnu...

che pinnillatu e blu mare...

parunu nastri queru viu sulagnu,

quir'uorti variopinti....che buchè !

Spurdutu com'a tanta varchitellu,

luntanamentu scuorgi in quantità,

casazzu, massariu e casarellu

a gruppi o sulitariu qua e là.

Isulu e scuogli mmiez'a quistu maru

parunu li paisi e ru città,

lu campanaru qua com'a nu faru,

spanni la luci ri cristianità.

Pu quistu "maru verde" stu campanu

cantanu lu richiamo ri Gesù,

si a Nuscu stai vicinu o stai luntanu

pu la valla 'sta voci sienti tu.

Che perlu.....che rubini.....che smeraldi.....

a lu tramontu qua tu puoi vurè;

si sta ghirlanda ri muntagnu guardi

ti pari la curona ri nu re.

Qua 'nci vulessu nu pittoru raru,

stu paravisu pu sapè pittà;

quer'anuma r'artista ri Casciaru,

oh si putessu mo risuscità !

Ri quistu "maru verde" è la sirena,

riggina ri la valla è sta città,

Nuscu lu coru e l'anuma 'ncatena,

ti rà la paci e la filicità.

                                                     Agostino Astrominica