Paracadutisti nimici

 

 

- Stanno sciunennu a l’Ofantu

li paracadutisti…

mannati nu manìpulu

ri  militi fascisti!…

 

 

-Cu ‘mbrielli apierti càlanu

ra cielu ‘sti nimici,

po’ quisti addò s’accovanu

chi cacchiu ti ru ddici? –

 

A purtà ‘sta notizia

e pu circà l’aiutu,

nu ggiovanu ra l’Ofantu

a Nuscu era vunutu.

 

Currivu nu manipulu…

jeva pu’ lu Punninu,

fra quisti guappi militi

‘nci steva Pascalinu.

 

‘Stu capusquatra eroicu

guardavu…si ìmpuntavu;

ra copp’a nu murriciunu

arditu si munavu.

 

‘Stu Pascalinu, cririmi,

pareva nu sparvieru ;

issu alluccavu :- Oj militi

ho fattu un prigiunieru!

 

Nun po’ scappà ‘stu ‘ntontaru,

lu tengu pu’ nu vrazzu!

Ma nun è un individuo…

‘stu cosu è nu pupazzu!…

 

Currivunu li militi:

che strilli, che risatu!…

llà nu spaventapasseri

avevano afferratu.

 

Bastava ‘stu manipulu

pu’ venci quera guerra,

pu’ assuggittà l’America ,

la Francia e l’Inghilterra.

 

                                         Agostino Astrominica