Atto primo          Scena seconda

Ruminucu, ciabattino, don Ciccio

RUMINICU   -   ( con una scarpa in mano )  Ron Ci bongiornu!    Mamma mia comi si arrudduttu malamente!   Mi pari na mappina.

CICCIO   -   Ati ca na mappina Rumì!    Mò nun so mangu nu pannu cu lavà nderra.  

RUMINUCU   -   Ch’è statu?    Parla !    Fatti sendu !  

CICCIO   -   Lassami stà Rumì!    Lu iuornu chi è oi, n’aveva nghiuri indu casa, m’aveva mettu ind’a lu liettu e nun aveva vurè  a nisciuni, mangu a miglieruma!

RUMINUCU   -   ( meravigliato )  E che è sta nuvità?    Cu mme oi è iuornu com’a l’ati.

CICCIO   -   ( scatto nervoso ) Nu iuornu com’a l’ati?    Viernurì riciassettu è nu iuornu comm’a l’ati?    E po’ che ora songu mò?

RUMINUCU   ( lisciando la scarpa )  Ron Cì, si ì teneva li sordi cu m’accattà lu rulorgiu, nun faceva mica lu scarparu!

CICCIO   -   ( come prima )  So ru cingu ri roppumangiatu, Rumì!    Ore diciassette!    M’è capitu si o no?

RUMINUCU   - ( perplesso, rivolto al pubblico )  I’ nun aggi capitu proprii niendi!    Cu mme oi è comu a ieri, comu a crai e comu a puscrai!

( a Don Ciccio )  Ron Cì, si ì nun mi azu a ru cingu a la matina e nun fatiu finu a l’ottu ri sera, a casa mia ngi   si puzza  la sanda fama.

( al pubblico ) Comu stamu combinati mò puzzammo, fiurati roppu!

CICCIO   -  ( al pubblico )  Quistu è fattu proprii a turdumè!

 ( a Ruminucu )  Siendi a mmè, Rumì.    Assettati e siendimi bbuonu!    Po’ mi sai a ddì lu iuornu chi è oi.

( Si siedono ). Appena finitu ri magià m’aggi mistu ngoppa a la poltrona;  aggi appicciatu la radiu e mi steva fumannu nu tuscaniellu.    Sendennu e fumannu mi n’à purtatu lu suonnu e m’aggi vistu nnandi zi Vicienzu lu sambugnaru buonanima.    L’uocchi spalancati e li capilli ngrifati mi chiamava e mi ruceva:-  Ciccì, a zziu, vienimi trova!    Ti si scurdatu ri me!    Vieni!  I’ t’aspettu.    So zumbatu ra coppa a la poltrona tuttu suratu e miezzu addurmutu. –  Zì Vicì, lassami sta n’atu picca.    I’ ti vogli bbenu assai assai.    Ti portu unu, ddui, tre mazzi ri fiuri ngoppa a la tomba, ti fazzi ri na messa, ma lassami stà.

RUMINUCU   -   E t’à lassatu stà?

CICCIO   -   ( nervoso )  Cittu Rumì!   I’ tremu tuttu quanda e tu tieni voglia ri pazzià!

RUMINUCU   -   Nun vuleva pazzià;    ì vuleva sulu sapè comu è fattu!     Accussì puru ì m’addormu ngoppa a na seggia e  parlu cu tata bonanuma.

CICCIO   -  ( al pubblico )  E sì!   Mò apro un centralino telefonico per parlare col Paradiso.    Basta rormu quattu minuti e parli cu chi vu.

( a Ruminucu )  Rumì, nun mi fa riri.    Stai rucennu sulu fissariu.    Statti cittu e mutu e siendimi bbuonu.   Allora roppu ru parolu ri zi Vicienzu, mi so gghiutu a vestu.    Mi steva appundannu li cavuzuni quannu nu fracameriu;  ru criaturu chiangevanu, miglieruma alluccava.    Songu asciutu;  lu specchiu gruossu a milli frisali.    Che guaionu!    E mò che fazzu?    Vavu o nun vavu?    Si nun vavu quiri futiendi mi fannu foru a lu Cumitatu e buonanotte a li snaturi!

RUMINUCU   -   ( al pubblico )   Si putessunu, comu lu vuonnu bbenu, li facessunu la pella! Ma quistu è tuostu com’a na  preta!

CICCIO   - ( a Ruminucu )  Cittu Rumì, nun vunvutià!   Ti steva rucennu ca nun vuleva scì cchiù, ma po’ mi songu fattu curaggiu, m’aggi mistu rui contruocchi ( apre la giacca e mostra amuleti vari ) , aggi rittu roi parolu ca sacci ì, na preghiera a Sandamatu, Sandandoniu e Sandustefanu e songi asciutu.

RUMINUCU   -  ( al pubblico )  Era ora!

CICCIO   - ( come prima )  Nnandi a la porta ri casa la ghatta neura ri ron Nunziu lu vitrinariu!   L’uocchi russi russi, li riendi ra foru, mi guardava e pareva ca mi ruceva:- ra qua nun si passa! “frustallà, frustallà” e quera nun si muveva.    Chiani chiani, rasendu a lu muru songu passatu.    Nun aveva fattu cingu passi quannu mbuh!

RUMINUCU   -   ( alzandosi di scatto )  Madonna mia!    Sandamatu miu aiutami tu! ( si butta a terra )

CICCIO   -   ( chino su Ruminucu )  Rumì che è nun ti siendi bbuonu?

RUMINUCU   -   Chi ha sparatu?

CICCIO   -   ( sorpreso ) Hannu sparatu?    I’ nun aggi sundutu niendi!

RUMINUCU   -   I’ aggi sundutu “mbuh”!

CICCIO   -   ( ripete ) mbuh!  ( arrabbiato )  Rumì, ma tu ruormi proprii!    Nun siendi mangu queru ca i ricu.

RUMINUCU   -   Ron Ci tu mi conti certi fatti (si alza).

CICCIO   -   I’ ti vogli fa capì comu succerunu certu ccosu…  Allora, nun aveva fattu cingu passi quannu sundietti na sciorta ri botta.    Nnandi a li pieri mii na testa ri geranii grossa accussi ( fa segno con le mani ): n’atu passu e ì mo nun steva qqua  a cuntà queru ca m’era succiessu.

RUMINUCU   -   Ron Cì.   Nun ci punzà a stu ccosu.    Tu campi cchiù ri lu cuoruvu.

CICCIO   -   ( fa le corna con le mani )  Grazziu Rumì, ma a vurè quera ghatta e a sendu quera botta mi pigliavu lu panducu;  accumingiai a corru;    a Santacroci mi fermai cu riatà picca quannu ra lu vicu ri lu purtusu esci nu canacchionu  chi mi sfila appriessu e mi mozzuca qua ( indica uno strappo dietro la coscia ).    Cu fortuna ca ì portu li cavuzuni favuriendi, si no quiru mi sciuppava mezza coscia.  Mò songu arruvatu qua e mi mettu paura ri i annandi, ma tengu cchiù paura ri turnà arretu. 

RUMINUCU   -   ( scansandolo )  E resta qquà grazia ri Ddiu, ron Cì!

 ( al pubblico )  Quistu li guai si ru porta appriessu.    Fammi scappà prima ca mi succeru quaccheccosa.

 ( a Ciccio )  Tengu ra firnì ru scarpu a ronna Filicetta.    Quera natu picca venu e tu sai quant’è nzulenda ( va via correndo ).

CICCIO   -   ( al pubblico )  Tutt’accussì li paisani!    Quannu vai truvannu aiutu scappanu tutti quanda.    Che munnu disgrazziatu!