Atto secondo          Scena settima

Ndunetta, Filumena e Rusina

Filumena   -   ( al pubblico )    Miscella  é  morta  e  mò  li  pripara  puru  lu  lattu.     Povura  zia  Cuncetta  nun cunghiuri  proprii !     Li  piaceva  a  zia  Cuncetta  sprubbucà  la  mazza  rì  San  Giuseppu,  mò  so  l'ati  ca rirunu  nguoll' a   essa !   ( fa per uscire )

Ndunetta   -   ( sottovoce )    Filumé !    Filumé !  

Filumena   -   ( si volta )   Oh !    Zia  Nduné  che  é !  

Ndunetta   -   T'aggi  vistu  parla  cu  Cúncetta.  Che  t'à  dittu ?    Parlava,  guardava e  zingava  lu  barconu  miu !    Che  é?    Angora  lu  fattu  ri  Taniellu ?   

Filumena   -   ( si guarda intorno )    Taniellu ! !     Puru  Miscella !     Ha  dittu  ca  l'è  ndussucatu  puru Miscella !

Ndunetta   -   ( preoccupata )   Maronna  mia  quessa  si  n'e  gghiuta  proprii !    Propriu  com'a  lu fratu !    Filumena  mia  tengu  na  paura  nguollu  ca  mi  fazzu  sotta !

( entra Rusina con una cesta piena di frutta e verdura )

Rusina   -   ( ansiosa verso le donne )    Cummà,  cummà !    Mamma  mia  che  nuvità stammatina  a  la  chiazza !   Ma  vui  già  sapiti ?

Insieme   -   Che  amma  sapè ?   Nun  simu  asciuti  ancora !   Parla  Rusinè !

Rusina   -   Vi   l'arricurdati  Elena ?

Insieme   -   Elena  Chi ?

Rusina   -   La  figlia  ri  ron  Nunziu  lu  baronu.    Si  n'è  fuiuta  cu  Ruminucu  lu fattoru.E' 

Filumena   -   E'  capitu  a  Lenuccia !    Pareva  na  sandarella !    Tutta  casa  e  ghiesia!

Ndunetta   -   " Guardati  ra  ru  capu  calatu "   ( a Rusi )   E  ron  Nunziu  che  ha  dittu?

Rusina   -   Staci  facennu  cosu  ri  pacci.    Allucca  com'a  nu  rannatu.     Ha  dittu  ca si  l'acchiappa  ind'a  ru  mmanu,  lu  faci  a  carnu  ri  sasicchi.

Ndunetta   -   ( seria )  E'  la  manu  ri  Ddiu !    N'à  fattu  chiangi  ggentu  ron  Nunziu !    Mo  pagha  cu  tannu !

Filumena   -   E'  proprii  la  manu  ri  Ddiu !     A  tatonu  miu  li  futtivu  lu  fondu  a  li Sparanielli  cu  na  cotta  ri  fasuli.     Mò  Ruminucu  si  fottu  tuttu  ru  ssua !   ( alle donne )   Mò  vi  lassu  cummà !    Carminucciu  volu  lagana  e  ciciri,  m' aggia  movu. ( mentre esce )  Nui  nun  ammu  rittu  niendi !

Insieme   -   Nui  ngi  facimu  li  fatti  nuosti !

Rusina   -   ( guarda verso la porta )   Filumena  puru  si  scorda  quanda  n'à  fattu !

Ndunetta   -   Quessa !     Si  parlassu  sta  lengua  mia ! ! !     Stissimi  qua  bbuonu  nu mesu.     Ma  mi  vogli  sta  cittu.    I'  nun  sò  di  quessu.    E  pò  nun  vogli  fà  puccati !    Mò  si  rici  la  messa  ri  tata  bonanuma  a  lu  campusandu.     Mi  vogli  fà  la cummunionu.     Statti  bbona  Rusiné ! ( esce )

Rusina   -   Arrivederci  zia  Nduné !     Si  pozzu  scappa  vengu  puru  ì !   ( al pubblico )     Quessa  llò !     Mangu  li  cani !     I'  nun  vogli  murmurià,  nun  mi  piaci ngiucià  ma  quessa...    vi  la  raccumannu.    Vaci  sembu  ciurnuliannu.    Trasi,  esci,  faci queru  ca  volu.      Si  mbaccia  ri  tutti  li  fatti.     Mò  si  vaci  a  ffà  puru  la communionu !     Ha  mistu  ncroci  tanda  ggentu,   mò  mettu  ncroci  puru  Gesù Cristu !      Ma  ì  mi  fazzu  li  fatti  mii.     Si  la  verunu  loru  e  Ddiu !  ( riflettendo per un attimo si rivolge al pubblico )     Aggi  fattu  na  bella  punzata.     Mò  vavu  a  pusà sta  rrobba  e  arrivu  puru  ì  a  lu  campusandu.     E'  da  paricchi  chi  nun  mi  fazzu la  cummunionu ! ( esce )