NDUNETTA - ( con un paniere in mano ) Bongiornu a signuria! Ron Cì proprii a vvui ieva truvannu . ( rivolta al prete che legge il breviario ) Ron Pè puru vui quà. Lodatu Gesù Cristu ( gli bacia la mano )
DON PEPPE - Sempre sia lodato !
Ndunetta si avvicina a Don Ciccio e fa per baciargli la mano.
CICCIO - Puozzi ittà lu sangu. Lassami stà. Tuata ngi mangavi. Che si bunuta a fà ? Ru bbacu re mundu ?
NDUNETTA - Tuttu fattu ron Cì ! Paribella è morta stanottu ( ride ) ( PAUSA ) Però ngià fattu nu vitiellu bellu gruossu !
CICCIO - ( guarda di traverso il prete che recita il rosario ) Menu male ca ngià fattu lu vitiellu...
NDUNETTA - ( di rimando ) Ma è mmuortu puru issu ( ride )
CICCIO - ( arrabbiatissimo ) Comu fai a nun ngi creru ! ( rivolta a Ndunetta ) E sta trappana fessa riri ! Ammu persu na vacca ra lattu, nu vitiellu e sta ndondara riri !
( Don Peppe recita il breviario e ascolta quello che dicono alzando gli occhi al cielo, allargando le mani, ecc.
NDUNETTA - ( con gli occhi sgranati ) I' l' aggi persa ! Ma pucchè, ì tuneva na vacca ? I' nun aggi mai tunutu niendi!
CICCIO - ( di rimando ) E mai niendi è a tunè! ( guarda il paniere ) Che m'è purtatu ?
NDUNETTA - ( mostrando il paniere ) Roi chianellu e roi mela a capu ri ciucciu. Sott' a l' alberi ngi ni stannu n' ati cingu o sei panari. Si tuneva na canesta la iungheva.
CICCIO - ( arrabbiato ) E tu mi puorti ru mela chi carunu ra la chianda. Quessu ti ru mangi tu e li puorci !
NDUNETTA - ( calma ) Ron Cì nun t' arraggià ! Ru bbin ca abbuotti comu a mi ruospu e ti venu quaccheccosa.
CICCIO - ( ancora più arrabbiato ) Che mi volu vunì ! Siti tutti quanda aucielli ri malauriu!
NDUNETTA - ( risentita ) Ron Cì cu chi m'è pigliatu ! Mica ì songu Catarina la cuscistorta!
