MARIUCCELLA - Lucì, Michilì, bongiornu!
LUCIA - Bongiornu Mariuccè! Cch'è succiessu stammatma ? T' a pundu na vespa ?
MARIUCCELLA - E' arruvatu lu paturnesu miezz' a la chiazza! Vogli piglià rui vruocculi, nu pocu ri nzalata e ddoi mela ! Lu dottoru m'a dddittu ca sulu quessu mi pozzu mangià. aggia fa la dieta.
MICHILINA - ( interrompe il lavoro e rivolta al pubblico ) A la vurnata s' abbotta , arriva la staggionu e volu siccà! Si nun vaci a l' apperu a Sangilardu mò spengi!
MARIUCCELLA - ( a Michilina ) Michilì ti trovu proprii bbona! Fatti puru la maglia!
MICHILINA - ( irritata ) Pozzu puru cucinà, lavà, pozzu ì puru a la messa! Pozzu fa tuttu e schatta chi n' avu mmiria!
MARIUCCELLA - ( risentita) Cummà a mme mi chiami mmiriosa. Tu ru ssai ca nun è lu veru.! Tu ru ssai quandu mi faci piaceru ca stai bbona!
MICHILINA - E ì t' aringrazziu Mariuccè ! Tu mmiriosa nun sì, ma ngi ni staci gentu chi mi volu vurè morta!
LUCIA - ( per allentare la tensione ) Michilì, prima ca ti ni vai tu, n' accumbagni ggendu a lu Calvariu ! ( rivolta a Mariuccella ) Mariuccè, a zzia, ti truovi ca ti truovi pigliami na busta ri vruocculi; ru vogli fà cu li cicalucculi. E' nu mesu ca Ngiulinu mi stona.
MARIUCCELLA - ( ripete ) Na busta ri vruocculi. ( a Michilina ) E a tte Michilì ti servu niendi ?
MICHILINA - Grazziu Mariuccè! N' atu picca escu ì . Vogli fa rui passi ! ( più forte ) Mi vogli fà vurè ind' a lu paesu.
MARIUCCELLA - ( stringendosi nelle spalle ) E che ti pozzu rì ! Ti vu fa vurè? Fatti vurè e fà cosu bbonu. ( a Lucia ) Lucì statti bbona. Ngi vurimu cchiu tardi ( esce )
MICHILINA - ( guarda verso la porta e fa il verso a Maria ) " Comu ti siendi Michilì ? Puoi fà tuttu ? " Viri sta ianara comu s' azzuppa ru ppanu. L 'aggia fà nu cuscinettu ri spinu e di ruddicu quannu moru !
LUCIA - Sciorta mia, Michilì! Mangu t' av' accisu !
MICHILINA - Nun m' accisu, ma si ì ciumbava ind ' a lu sputalu, quera pigliava nu ternu. E cu tte questa è na bona femmuna?
LUCIA - Ca è fanatuca, malalengua e mittingiuci ru sannu puru ru pretu ri la via. Ma ra quessu a queru ca tu pienzi mi pari nu pocu troppu.
MICHILINA - Luciè, è angora troppu pocu queru ca penzu ì. La canoscu piru a l' uortu miu ! Mò lassami stà, nun ngi vogli punzà cchiu si no lu fecatu miu arruvenda cchiu gruossu ri quiru ri lu puorcu . ( Si alza e mette a posto il suo lavoro ) Luciè mandieniti forta. Vogli fa n' asciuta cu lu paesu. Arrivederci!
LUCIA - Statti bbona Michilì ! ( al pubblico , mentre si alza per uscire ) Che brava femmuna Michilina ! Ha mistu mbond' a nu palu tutti quanda! L' ati pò si stevanu cittu ! Chi semmuna spinu nun adda ì scavuzu ! ( esce )
