Quannu era picciulu, a l’iniziu ri l’anni 60; ‘i steva spissu ghindu a lu salonu ri nonnumu e na vota assistietti a stà storia.
Era vunutu a fa li capilli unu ri foru però, siccomu ng’era gentu, aveva asputtà. Nonnumu e l’ati clienti, tra quisti Ciccillu ri Micalangiulu ca era la spalla ri tutti li scherzi ca succiurevanu int’a lu salonu, avevanu capitu ca quistu era nu pocu abbunatu[2].
Accussì nonnumu, cu fa passà lu tiempu, accummingiavu a parlà ri nu progettu fattu int’a lu salonu ca l’era custatu propri tanta sordi, aveva avuta fà paricchi domandu scrittu a l’amministrazionu comunalu cu avè l’autorizzazione, però si tuneva sembu segretu l’argomentu e Ciccillu, ca aveva capitu tuttu, li reva spagu e ruceva ca aveva fattu ’na cosa bona.
Mentri nonnumu parlava, ogni tantu issu e Ciccillu mi squadravanu cu l'uocchi pucchè avevanu paura ca la 'ngenuità mia li faceva carè tuttu.
A nu certu puntu, quiru curiusu addummanavu a nonnumu che progettu aveva fattu e nonnumu rissu ca aveva collegatu lu sistema ri l'acqua ri lu salonu a ru sorgenti ri l'acqua minerale "Monticchio". Quannu ‘i sundietti questu capietti ca era troppu puru cu mme c’aveva 5 anni, guardai a nonnumu cu l’uocchi chi vulevanu ri “nun è vveru”, ma nonnumu mi rivu ‘na guardata ri pietà comu si mi vulessu ri “si parli cari tuttu lu castiellu”.
Quannu quiru ri foru suntivu stà cosa, sgranavu l'uocchi e dissu ca era na cosa veramentu bella e li piaceva assaggià quer'acqua accussì bbona.
Quistu accummingiavu a bevu, Ciccillu li ruceva ri nun fa complimenti: puteva vevu quantu vuleva tantu pagava nasonu (nonnumu). Praticamentu nonnumu e Ciccillu lu facivunu finì ri vevu a quasi nu litru e miezzu ri acqua ca quiru puvuriellu aveva vìpputu[3].
Però sicuramentu si ni turnavu foru cuntentu ri avè risparmiatu ‘nu viaggiu a Monticchiu cu vvevu quer’acqua……
Carlo Giannetta
.[1] Nota località lucana dove vi sono sorgenti di acque minerali.
[2] Ingenuo.
[3] Bevuto.
